Qeveritë lokale në Gjermani kanë bërë thirrje për më shumë ndihmë nga homologët e tyre federalë për të integruar refugjatët në tregun e punës.

Rreth 600 mijë refugjatë pritet të kërkojnë përfitime sociale për shkak të papunësisë në vitin 2017, rreth 250 mijë më shumë se në vitin 2016, deklaron Gerd Landsberg, kreu i Shoqatës Gjermane të Qyteteve dhe Komunave, shkruan “Deutche Welle”, transmeton portali arbresh.info

Vetëm 200 mijë refugjatë kanë arritur të gjejnë punë dhe kanë filluar të paguajnë kontributet e sigurimeve shoqërore.

“Shifrat tregojnë se ne kemi ende shumë punë për të bërë deri në integrimin e plotë të refugjatëve në tregun e punës”, shtoi ai.

Kostroja e strehimit dhe administrimi i refugjatëve ka shkaktuar fërkime të mëdha në komunitetin gjerman gjatë fluksit të refugjatëve në vitin 2015-2016. Megjithatë, me mbylljen e rrugës Ballkanike, numri i refugjatëve që duan të hyjnë në Gjermani ka rënë ndjeshëm./arbresh.info/