Arrestohet babai i të dyshuarit për të shtënat në shkollën e Xhorxhias

11:14 | 6 Shtator 2024
A Z

Është arrestuar babai i një djali 14-vjeçar të akuzuar për vrasjen e katër personave në një shkollë të mesme në shtetin amerikan të Xhorxhias.

Colin Grey, 54 vjeç, po përballet me katër akuza për vrasje të pavullnetshme, dy akuza për vrasje të shkallës së dytë dhe tetë për mizori ndaj fëmijëve, tha Byroja e Hetimit të Gjeorgjisë (GBI).

Drejtori i GBI Chris Hosey tha të enjten në mbrëmje se akuzat ishin të lidhura drejtpërdrejt me veprimet e djalit të tij dhe “lejimin e tij për të mbajtur një armë”.

Djali, Colt Grey, akuzohet për vrasjen e dy mësuesve dhe dy nxënësve në të shtënat e së mërkurës në shkollën e mesme Apalachee në Winder, pranë Atlantës.

Ai do të dalë në gjykatë të premten i akuzuar – si i rritur – me katër akuza për vrasje. /BBC