Forca ajrore amerikane do të dërgojë gjashtë bombardues B-52 Stratofortress në Diego Garcia, një post ushtarak sekret në Oqeanin Indian, ndërsa tensioni rritet pas një atentati amerikan ndaj gjeneralit të lartë iranian.

Bombarduesit do të jenë “në dispozicion për operacione kundër Iranit nëse urdhërohen”, raportoi të hënën Barbara Starr nga CNN, duke cituar një zyrtar amerikan anonim, megjithëse reporteri vuri në dukje se dislokimi i ri “nuk sinjalizon që operacionet janë urdhëruar”, transmeton portali arbresh.info.

Vendosja gjithashtu duket se është vërtetuar nga vëzhguesit e aviacionit ushtarak, të cilët gjurmuan të paktën dy bombardues ndërsa niseshin nga Baza e Forcave Ajrore Barksdale në Luiziana.

Gjashtë bombarduesit do të pasojnë afro 4,000 trupa amerikane të vendosura në rajon që prej javës së kaluar, të dërguar ndërsa armiqësitë me Iranin arritën lartësi të reja./arbresh.info/