Kina ka akuzuar sot Shtetet e Bashkuara, pa i përmendur ato, për nxitje të tensionit në Ukrainë, e cila sipas Pekinit është përgjegjëse për zgjerimin e NATO-s.

“Kina mendon se të gjitha palët e interesuara duhet të lejojnë që të mbizotërojë sensi i përbashkët dhe të ndjekin një zgjidhje politike, duke u përmbajtur nga çdo veprim që mund të rrisë tensionet dhe të përkeqësojë krizën”, tha ambasadori kinez në OKB Zhang Yun, transmeton portal arbresh.info

“Asgjë nuk ndodh pa arsye. Zgjerimi i NATO-s është një çështje e pashmangshme ndërsa tensionet mbizotërojnë në Ukrainë. Zgjerimi i vazhdueshëm i Aleancës pas Luftës së Ftohtë është kundër kohës sonë dhe ruajtjes së sigurisë së përbashkët,” shtoi diplomati kinez.

Pa përmendur SHBA-të, diplomati theksoi se ekziston “një vend në botë që nuk dëshiron të heqë dorë nga mënyra e të menduarit të Luftës së Ftohtë, që flet një gjë dhe punon një tjetër për të arritur supremacinë ushtarake”.

Shtetet e Bashkuara kanë kërcënuar Rusinë me sanksione në rast të pushtimit në Ukrainë./arbresh.info/