83,8 milionë të infektuar me COVID-19 në të gjithë botën

19:06 | 1 Janar 2021
Arditë Shkodra

Deri më tani në mbarë botën janë konfirmuar të paktën 83,8 milionë raste të COVID-19.

Sipas faqes së internetit “Worldometer”, e cila përpilon të dhënat mbi pandeminë, të dhënat e fundit tregojnë se që nga shpërthimi numri i rasteve të konfirmuara me COVID-19 në mbarë botën është 83.814.032.

Deri më tani nga pandemia kanë vdekur 1.825.880 persona, ndërsa janë shëruar mbi 59,3 milionë persona.

Vendi më i prekur nga pandemia në botë mbetet SHBA, me gjithsej 20.445.654 raste të konfirmuara dhe 354.215 viktima.

Sipas numrit të të infektuarve, pas SHBA-ve renditet India (10.286.709, Brazili (7.675.973), Rusia (3.159.297), Franca (2.620.425), Britania e Madhe (2.488.780), Turqia (2.208.652), Italia (2.107.166), Spanja (1.936.718) dhe Gjermania (1.743.478).