Përkundër kërkesave të shumta nga studentët e Universitetit të Prishtinës që mësimi të mbahet me prani fizike në ambientet e fakulteteve. Një vendim i tillë ende nuk është marrë, pavarësisht se ka shkuar edhe në zyrat e Ministrisë së Shëndetësisë.

Universiteti i Prishtinës ka bërë të ditur se nuk ka marrë ndonjë vendim nga institucionet përgjegjëse për ndryshimin e organizimit të procesit zgjedhor, shkruan Arbresh.info.

“Universiteti i Prishtinës ‘Hasan Prishtina’ njoftoi se tani nuk kemi pranuar ndonjë shkresë zyrtare nga instancat përgjegjëse për ndryshim të organizimit të procesit mësimor në UP, në rrethanat e pandemisë Covid-19”, thuhet në sqarimin e UP-së.

Po ashtu, UP-ja thotë se nuk kanë pranuar as ndonjë vendim zyrtar për ndryshim të vlerës së pagesave për studentët.

Sipas njoftimit të UP-së deri në pranimin e vendimeve zyrtare nga organet kompetente, do të vazhdojnë implementimin e vendimeve në fuqi.

Ky reagim i UP-së vjen pasi parlamenti studentor të mërkurën në mbrëmje ka njoftuar se nga një marrëveshje me Qeverinë në detyrë, ndër të tjera është edhe fillimi i mësimit me prezencë fizike./ARBRESH.INFO/