Kryetari i Këshillit grevist të BSPK-së, njëherit kryetar i SBAShK-ut, Rrahman Jasharaj beson se do ta takojë sërish kryeministrin Albin Kurti për të biseduar rreth kërkesave të tyre.

Madje ai ka një lutje për të gjithë njerëzit e vullnetit të mirë, të angazhohen të mundësojnë një takim coftë edhe në fundjavë me kreun e qeverisë.

Por, Jasharaj ka një kusht për Kurtin nëse takohen sërish.

Ai kërkon të mos bëhet monolog në takim, por dialog në takim.

“Ne jemi në përpjekje dhe lusim gjithë njerëzit e vullnetit të mirë që ata të angazhohen që mbase të kemi takime çoftë edhe në vikend me Qeverinë e Kosovës. Por, jo takime me monolog , por me dialog, takime ku ata nuk do t’i vënë pikë dhe të thonë kjo është e jona dhe pikë, e aq më keq, jo të nxjerrin nga takimet fjali me të cilat mundohen që ta tërheqin tërë vëmendjen e opinionit në një apo dy fjali që mund të rrjedhin gjatë një bisede të gjatë” ,tha Jashari për arbresh.info.

Nëse ndodhë një takim i dytë me Kurtin, Jasharaj thotë se mediat duhet të jenë të pranishme në atë takim.

“Unë si kryetar i Këshillit Grevist do të insistoj që nëse vjen deri të një takim i tillë, patjetër mediat të jenë të pranishme në atë takim”,  u shpreh ai.

Ndryshe, pas takimit që pati me krerët e BSPK-së

Kryeministri i Kosovës, Albin Kurti, ka thënë se Rrahman Jasharaj, i ka thënë “ndihmon si vëlla”.

“Si vëlla të ndihmoj privatisht, jo si kryeministër”, ishte shprehur Kurti në konferencë ku foli për atë se çfarë u diskutua në takim.

Ai kishte thënë se duhet një zgjidhje më universale për këtë çështje.

“Kryeministri nuk bën pazare”, pati thënë Kurti./arbresh.info/

LEXO EDHE

Jasharaj: Nuk vendosi unë a vazhdon apo ndërpritet greva, do kemi takime edhe në fundjavë – Arbresh.info