Ministria e Arsimit, Shkencës, Teknologjisë dhe Inovacionit (MAShTI) ka njoftuar se nga sot, 27 maj 2025, nis procesi i aplikimit për Provimin e Maturës Shtetërore.
Aplikimi do të bëhet përmes platformës e-Kosova dhe do të jetë i hapur deri më 10 qershor 2025. Ndërkohë, periudha për aprovimin e aplikimeve nga koordinatorët e shkollave do të zgjasë nga 1 deri më 11 qershor 2025.
Sipas njoftimit të MAShTI-t, Provimi i Maturës do të mbahet më 21 qershor 2025, ndërsa rezultatet do të shpallen më 30 qershor 2025. Nxënësit që kalojnë me sukses do të kenë mundësinë të shkarkojnë certifikatën digjitale nga platforma e-Kosova.
“Provimi i Maturës Shtetërore në Kosovë është planifikuar të mbahet më 21 qershor 2025, kurse rezultatet do të publikohen më 30 qershor 2025. Nxënësit që e kalojnë Provimin e Maturës do të mund të shkarkojnë certifikatën digjitale nga platforma e-Kosova. Testi do të zhvillohet në një ditë të vetme dhe do të përfshijë katër lëndë: Gjuhë Shqipe, Gjuhë Angleze, Matematikë dhe një lëndë me zgjedhje. Secila lëndë do të ketë nga 25 pyetje, me gjithsej 100 pyetje”, thuhet në njoftim./Arbresh.info
Veton Canolli ka 10 ditë pa kontakt me familjen, kërkohet nd...
Maturantët mund të paraqesin provimin e maturës në e-Kosova
Liberalizimi i tregut të energjisë, Hoti: Kësaj situate, jo ...
“Mbreti i kriptovalutave” pranon fajësinë për mashtrimin mul...
IKShPK jep këshilla për freskimin e shtëpisë gjatë ditëve të...
Zjarrfikësit heronj të rraskapitur, shtrihen në tokë pas nat...