338 kandidatë për inspektorë të arsimit kalojnë verifikimin paraprak

17:26 | 4 Qershor 2024
E.G

Ministrja e Arsimit, Shkencës dhe Teknologjisë dhe Inovacionit, Arbërie Nagavci ka njoftuar se është përmbyllur me sukses faza e parë e procesit të konkursit për 33 inspektorë të arsimit.

Ajo tha se kanë pranuar 696 aplikantë ku 338 prej tyre e kanë kaluar verifikimin paraprak, shkruan Arbresh.info.

“Në funksion të qëllimit tonë për rritjen e cilësisë në arsim, në prill të këtij viti kemi hapur konkurs për 33 inspektorë të arsimit. Tashmë është përmbyllur me sukses faza e parë e procesit të konkursit. Kanë aplikuar gjithsej 696 aplikantë ku 338 prej tyre e kanë kaluar verifikimin paraprak.”, ka shkruar ajo.

“Sipas procedurave tani kalohet në fazat e mëtutjeshme të konkursit. Përgëzoj kandidatët që kanë kaluar fazën e parë të konkursit dhe suksese tutje.”, shtoi Nagavci./Arbresh.info/