Është hapur seanca në lidhje me shqyrtimin e parë në lidhje me aktakuzën për fryrjen e listave me “veteranë të rrejshëm”, por në mungesë të të gjithë të akuzuarve është shtyer deri më 14 mars në orën 10:00.

Ta akuzuarit janë  janë, Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha ka munguar i cili sipas gjykatëses e ka njoftuar, Faik Fazliu që nuk ishte i pranishëm, Smajl Elezaj,  Fadil Shurdhaj e Xhavit Jashari.

Gjyqtarja Nushe Meta ka thënë se nuk janë krijuar kushtet për tu mbajtur seanca.

“Palëve prezent iu komunikua verbalisht që seanca të mbahet me 14 mars. Mbrojtësit e të pandehurit, Rrustem Berisha dhe avokatit të tij Agron Selimaj ftesa do t’i përsëritet. Po ashtu edhe të pandehurit Faik Fazliu do t’i përsëritet ftesa”, ka deklaruar ajo.

Prokurori i rastit, Valdet Gashi, ka thënë se nuk i kanë pranuar të gjithë ftesat.

“Do të bëjmë përpjëkje që ti pajisim prapë me shkresa”, ka thënë ai.

Avokati Arianit Koci ka thënë se klienti i tij Shkumbin Demalijaj nuk e ka pranuar ftesën.

“Ne e kemi marr shkresën, por pa ftesë. Unë e kam sjell pa ftesë”, ka thënë ai.

Të lartpërmendurit akuzohen për “Keqpërdorim të pozitës ose autoritetit zyrtar, që ndërlidhen me fryrjen e listave të veteranëve të Ushtrisë Çlirimtare të Kosovës (UÇK)./arbresh.info/