Kuvendi i Kosovës ka miratuar Statutin e Shoqërisë Aksionare “Trepça” Sh.A.​

Rreth tri orë pas mesnate, deputetët, pa asnjë pauzë, nga ora 11 e mëngjesit të së shtunës, kanë miratuar një varg projektligjesh.

Ata mbështetën Projektligjit për organizimin dhe funksionimin e Administratës Shtetërore dhe të Agjencive të Pavarura, Projektligjin për zyrtarët publik, Projektligjin për pagat në sektorin publik.

Në parim u miratuan Projektligji për detyrat, përgjegjësitë dhe kompetencat e Delegacionit Shtetërorë të Republikës së Kosovës në procesin e dialogut me Republikën e Serbisë, dhe Projektligjit për ndryshimin dhe plotësimin e Ligjit nr.03/L-174 për financimin e subjekteve politike, të ndryshuar dhe plotësuar me Ligjin nr. 04/L-058 dhe Ligjin nr. 04/L-122 si dhe Ligjin nr. 03/L-073 për zgjedhje të përgjithshme në Republikën e Kosovës i ndryshuar dhe plotësuar me Ligjin nr. 03/L-256.

Në këtë seancë maratonike ata formuan edhe Komisionin Ad Hoc  për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social,

Pas mesnate u miratuan Projektligji mbi ndarjen buxhetore për Buxhetin e Republikës së Kosovës për vitin 2019, dhe Shqyrtimi i Propozim-vendimit të Qeverisë së Republikës së Kosovës për zgjatjen e ndarjeve buxhetore për muajin shkurt të vitit 2019, të përcaktuar me Ligjin nr.06/L-20 për Buxhetin e Republikës së Kosovës për vitin 2018./arbresh.info/