Plagosje në Prishtinë, një person i arrestuar dhe një në arrati

12:34 | 18 Nëntor 2018
A Z

Një person i dyshuar është arrestuar ndërsa tjetri është në arrati për një gjuajte me armë në rrugën “Motrat Qiriazi”, në Prishtinë gjatë ditës së djeshme. Sipas Policisë ende nuk dihen arsyet e tentim vrasjes.
Sipas raportit të Policisë së Kosovës, dy personat e dyshuar kanë shtënë me armë zjarri në drejtim të një personi tjetër i cili pas plagëve është dërguar në QKUK.

Sipas mjekut personi në fjalë është jashtë rrezikut për jetë thuhet në raportin 24-orësh të Policisë së Kosovës.

“Në vendin e ngjarjes janë gjetur dhe konfiskuar tri gëzhoja. Njësia policore ka arrit të arrestojë njëri nga të dyshuarit dhe me vendim të prokurorit është dërguar në mbajtje, ndërsa i dyshuari tjetër është në arrati”, thuhet në raportin e policisë.