Tregu i Punës tash e tutje do të ketë një sistem informativ i cili u lansua sot nga ministri i Punës dhe Mirëqenies Sociale, Skender Reçica i cili tha se më në fund, punëdhënësit dhe punëmarrësit do të kenë mundësive të shkëmbejnë informacione rreth nevojave dhe kërkesave të tregut të punës.

Postimi i plotë i Reçicës në Facebook:

Së bashku me UNDP-në dhe me mbështetje të Projektit për Punësimin të të Rinjve (EYE), sot lansuam Sistemin Informativ të Tregut të Punës. Angazhimi i MPMS-së dhe partnerëve tanë për krijimin e këtij sistemi ka për qëllim t’i ofrojë punëdhënësve dhe punëmarrësve informacione në kohë reale rreth nevojave dhe kërkesave të tregut të punës.

Shkëmbimi i informacioneve mes punëdhënësve dhe punëmarrësve ka qenë sfidë me të cilën jemi përballur dhe ky sistem tash e tutje do të krijojë lehtësira në shkëmbimin real të të dhënave.

Orientimi në karrierë i të rinjve, si parakusht për zbutje të papunësisë është objektiv i yni dhe një sistem i shkëmbimit të informacioneve rreth nevojave të tregut të punës do të lehtësojë arritjen e këtij qëllimi.