Kurti komenton dorëheqjen e Haradinajt: Kërkon nga Thaçi ta caktojë datën e zgjedhjeve

11:51 | 20 Korrik 2019
A Z

Lideri i Vetëvendosjes, Albin Kurti, në një konferencë të thirrur për media foli për ftesën e Gjykatës Speciale që ia bëri Haradinajt dhe dorëheqjen e këtij të fundit nga posti i kryeministrit.

Kurti tha se tani është koha për zgjedhje dhe Kosova të bëhet me qeveri të re.

Po ashtu sipas tij të intervistohesh si kryeministër a jo s’përbën dallim tek specialja, sipas tij tani shpresat janë tek zgjedhjet, liria, demokracia

“Siç e dini të gjithë që nga dhjetori i vitit të kaluar ka nisur të vijnë ftesat për komandantët dhe luftëtarë të UÇK-së nga Gjykata Special. Me 3 gusht bëhen 4 vjet prej kur u ndryshua kushtetuta e Kosovës me amendamentin 24 për ti hapur rrugë speciales”.

“Me 82 vota për e patëm pranuar atë që ishte e pa imagjinueshme. Sot ne i vuajmë pasojat e qëndrimeve të liga dhe vendimeve të gabuara. Se a intervistohesh nga prokurori i specializuar si kryeministër apo si ish kryeministër kjo nuk përbën dallim për gjykatën speciale. Tani nuk e kemi më një qeveri që ishte e pa shpresë e mbrapshtë, tani shpresa është vetëm tek ndryshimi të zgjedhjet dhe të liria. Ish-kryeministrin e kemi paralajmëruar disa herë sa më afër gjarprit aq më i rrezikuar je, Rexhep Selimi e ka paralajmëruar në Kuvend”, tha Kurti./Arbresh.info/

Ndërsa, Nënkryetari i kësaj partie, Besnik Bislimi, ka akuzuar qeverinë për korrupsion dhe për punësime të familjarëve të tyre.

“Dje u vetëdorëzua para se të binte qeveria qe e kishte kapur shtetin si asnjëherë më parë. Jemi të gëzuar që ra Qeveria. Qeveria që tregoi vetëm inovacion për të rehatuar militantët. Ditën e premte, u rrëzua një Qeveri që nuk ia ruajti nderin vendit. Dje u rrëzua një Qeveri që dëmet e dy vjetëve i mbulon me një ftesë nga Gjykata Speciale. Le të shkojmë në zgjedhje të reja pa vonesë”, tha ai.