Kryeministri i vendit, Ramush Haradinaj, u ka uruar Krishtlindjet ortodokse të gjithë atyre që festojnë sipas kalendarit julian.
Haradinaj ka thënë se realiteti shumë fetar i shoqërisë sonë duhet të na shërbejë si motiv shtesë që ta ndërtojmë një shtet, që garanton më shumë shpresë, mirëqenie ekonomike dhe siguri për qytetarët.

Shkrimi i plotë:
Të gjithë qytetarëve të Kosovës dhe atyre ndërkombëtarë, të cilët shërbejnë në misione të ndryshme në vend, që festojnë sipas kalendarit julian, urime për shumë mot Krishtlindja ortodokse!

Kjo festë është nxitje për promovimin e vlerave njerëzore, si mishërim i hyjnores. Realiteti shumëfetar i shoqërisë sonë duhet të na shërbejë si motiv shtesë që ta ndërtojmē një shtet, që garanton më shumë shpresë, mirëqënie ekonomike dhe siguri për qytetarët.

Kremtofshi në paqe, me familjet Tuaja, me mirësi e begati.

Sretan Božić!

RH