Kryetari i Komunës së Skënderajt, Bekim Jashari, ka marr pjesë në fushatën vetëdijësuese në komunikacion me moton “Mbaji duart në timon e jo në telefon” dhe “Stop alkoolit gjatë vozitjes”.

Nëpërmjet bashkëbisedimeve dhe dhënies së fletushkave, kreu i Skënderajt bëri thirrje që vozitësit të kenë kujdes gjatë vozitjes për të zvogëluar numrin e aksidenteve me fatalitet.

Jashari ka theksuar, se duhet ta kemi gjithë vëmendjen gjatë ngasjes.

Postimi i plotë:

Një kontribut i vogël me një mesazh të madh për të gjithë ngasësit në komunikacion, në kuadër të fushatës vetëdijesuese “Mbaji duart në timon e jo në telefon!” dhe “Stop alkoolit gjatë vozitjes!”.

Na duhet e gjithë vëmendja gjatë ngasjes, pasi vetëm ne mund të ndihmojmë në uljen e rasteve të vdekjes në trafik dhe lëndimeve të njerëzve.

Ndalohet leximi i këtij mesazhi gjatë ngasjes!