Kryeministri i vendit Ramush Haradinaj ka njoftuar se sot në Parlamentin Evropianë është konfirmuar mandate për fillimin e trialogut për liberalizimin e vizave.

Kreu i ekzekutivit ka thënë se është e padrejtë se si qytetarëve të Kosovës iu mohohet e drejta e lëvizjes së lirë, për të cilën Haradinaj thotë se janë plotësuar të gjitha kriteret nga ana e shtetit tonë.

Postimi i plotë:

Nën lidershipin e euro deputetes Tanja Fajon – në Parlamentin Evropian me 331 vota për, u konfirmua për të dytën herë mandati për fillimin e trialogut për liberalizimin e vizave për Kosovën.

Një vullnet kaq i fuqishëm politik, që buroi sot nga Parlamenti Evropiane në Strasburg, ri konfirmon për të disfatën herë se institucionet e Kosovës i kanë përmbushur të gjitha kushtet e parashtruara, siç e ka konfirmuar edhe Komisioni Evropiane në Bruksel vitin e kaluar.

Është tërësisht e padrejtë, frustruese, dhe dekurajuese që qytetarëve të Kosovës vazhdon t’u mohohet e drejta e fituar për lëvizje të lirë në Evropë.

Në emër të institucioneve dhe qytetarëve të Kosovës, u bëjmë thirrje kryeqyteteve të shteteve anëtare të Bashkimit Europian, që t’i japin drejtim dhe epilog çështjes së liberalizimit të vizave për Kosovën, si e drejtë e fituar dhe e pakontestueshme, tani kur bëhen shtatë vjet nga data kur na është dorëzuar udhërrëfyesi për vizat.

Kosova vazhdon të mbetet e fokusuar në përkushtimin e saj për avansimin e rrugës sonë drejt Bashkimit Europian, dhe u qëndron fuqishëm besnike vlerave dhe parimeve për të cilat jemi zotuar bashkë në Marrëveshjen e Stabilizim-Asociimit. RH