Presidenti francez, Emmanuel Macron është përplasur me aktivistët e mbështetësve të Erdoganit, të cilët kishin kundërshtuar një publikim të revistës Le Point, e cila e kishte quajtur Erdoganin diktator.

Ministri i Jashtëm turk Mevlut Cavusoglu ka kritikuar ashpër presidentin francez Emmanuel Macron, i cili sipas tij ka mbështetur artikullin, transmeton portali arbresh.info

Cavusoglu ka deklaruar se “demokracia nuk është për fyerje, mallkime dhe gënjeshtra, sepse para se gjithash duhet të merren parasysh edhe ndjeshmëritë e tjetrit”.

Presidenti francez ka reaguar duke i quajtur të “papranueshme” aksionet e mbështetsve të AKP-së, të cilën kishin grisur revistën Le Point në shenjë proteste.

Revista Le Point shkon deri aty sa e quan Erdoganin “Hitleri i ri”.

Artikulli është botuar përpara zgjedheve presidenciale në Turqi, të cilat pritet të mbahen me 24 qershor./arbresh.info/