Mesfushori i Barcelonës, Denis Suarez ka pranuar që largimi i kapiteni Andres Iniesta do të lë një hapësirë të madhe si në fushë ashtu edhe jashtë saj.

Iniesta është i vendosur për transferim te klubi Vissel Kobe në Japoni pas 22 viteve qëndrim në Kataloni te klubi i tij i fëmijërisë – Barcelona, transmeton portali arbresh.info. 34-vjeçari ka ngritur lartë nëntë tituj në La Liga, gjashtë Kupa të Mbretit, katër Liga të Kampionëve dhe tri Kupa të Botës.

Derisa Iniesta është duke ia mësyrë J Leagues, Suarez beson që veterani është i pazëvendësueshëm.

“Kam mësuar shumë gjëra. Ai është një lojtar që luan gjithashtu në pozitën time dhe unë kam qenë i fokusuar në të në çdo seancë stërvitore për të parë atë që bënë në ndeshje që të përmirësohem”, ka thënë Suarez për ‘Marca’. “Mendoj se do të jetë pothuajse e pamundur për të zëvendësuar atë me një tjetër lojtar, por kjo është diçka që ne do të përballemi me të”

“Do të jetë një hendek i madh për tu përmbushur në futboll, aspektin personal dhe çështjen njerëzore me largimin e kapitenit tonë”

“Ai do të mbahet mend si një legjendë”

Suarez, i cili u riktheu  te Barcelona nga Villareali në vitin 2016, është duke kërkuar që të jetë më i pranishëm në fushë nën udhëheqjen e trajnerit Ernesto Valverde./arbresh.info/