E denjë për një skenar filmash!

Një e moshuar shqiptari dhe djali i saj janë vënë në pranga ditën e sotme nga policia italiane, pasi kanë tentuar që të vrasin një italian.

E gjithë historia ka nisur kur 53-vjeçari Maurizio Correra, person me precedentë penalë, ka menduar që të vrasë vëllain e tij.

Dhe për këtë ka porositur një grua shqiptare rreth 60 vjeçe dhe djalin e saj, duke u dhënë 5 mijë euro,transmeton Reptv.

Haxhire Tusha dhe 24 vjeçarin Shpëtim Rizvani, djali i Haxhiresë, pasi kanë marrë direktivat nga italiani, kanë hartuar planin për të vrarë mjekun kardiolog.

Kështu, mëngjesin e 27 marsit, Haxhireja shtiu dy herë drejt tij me pistoletë, i cili në momentin e ngjarjes ka pasur me vete edhe djalin e tij minoren.

Për fat të mirë, plumbat nuk kanë prekur askënd, ndërsa pas më shumë se dy javë hetimesh, policia italiane mundi të zbulonte se kush fshihej pas këtij atentati.