Kryetari i Kuvendit të Kosovës, Kadri Veseli, ka rikthyer simbolet e Kosovës dhe autoritetin e shtetit kosovar në rajonin e Gorës pas punës disa mujore me përfaqësuesit politik të komunitetit të Gorës.

Në ditën e komunitetit të Gorës, kreu i Kuvendit dhe lideri i PDK-së, Kadri Veseli është pritur nga qindra qytetarë të këtij komuniteti të cilët mbanin edhe simbolet e Republikës së Kosovës.

Vlen të theksohet se në festat e viteve të kaluara të këtij komuniteti në Gorë kanë marrë pjesë zyrtarë të shtetit serb të cilët që nga paslufta i kanë manipuluar këtë komunitet nëpërmjet ndihmave financiare që u kanë dhënë.

Para disa muajsh ka qenë pikërisht kryetari i Kuvendit Kadri Veseli i cili pas shumë diskutimeve ka arritur që ta bind deputetin goran Adem Hodza që të votoj ndaras nga Lista Serbe demarkacionin Kosovë-Mali i Zi që arriti të sigurojen 80 votat e nevojshme.

Prej atij vendimi, deputeti Hodza nuk është më pjesë e Listës Serbe dhe ka vendosur që komunitetin që përfaqëson ta orientoj drejt integrimit të plotë në shtetin e Kosovës.