Atletico Madridi dhe Arsenali kanë publikuar formacionet zyrtare për ndeshjen kthyese në kundër të gjysmëfinales në UEFA Evropa Ligë.

Pas barazimit 1 me 1 në Emirates nga takimi i parë i zhvilluar javën e kaluar, “Topçinjtë” kanë udhëtuar në Spanjë për përballjen tjetër me kampionin e dyfishtë të Evropa Ligës që është i pamposhtur në 12 ndeshje në shtëpi, shkruan portali arbresh.info.

Goli në minutën e 82′ nga Antoine Griezmann zhvlerësoi atë të shënuar nga Alexandre Lacazaette në minutën e 60′ duke lënë skuadrën e Arsene Wenger me gjasa të vogla për të kaluar tutje në finale.Shpresat e Arsenalit për të siguruar kualifikimin në Ligë të Kampionëve duke përfunduar në top katërshe në Premierë Ligë tashmë kanë përfunduar dhe trofeu në Evropa Ligë është mundësia e vetme për gjigantin anglez që të kualifikohet në kompeticionin më të madh evropian.

Sidoqoftë, skuadra e Diego Simeones brenda këtij sezoni në të gjitha kompeticionet ka pësuar vetëm dy humbje në shtëpi.

Takimi ndërmjet dy skuadrave zhvillohet në Wanda Metropolitano duke filluar nga ora 21:05./arbresh.info/