Për nder të ditës ndërkombëtare të lirisë së shtypit, Asociacioni i Gazetarëve të Kosovës ka mbajtur një protestë  me moton “Mosndëshkimi vret lirinë e shprehjes”.

Dhjetëra gazetarë kanë dalë në sheshin “Zahir Pajaziti” për t’i kërkuar të drejtat e tyre, raporton arbresh.info.

Vetëm për pesë muaj janë raportuar tetë raste të kërcënimeve  ndaj gazetarëve, u tha në protestë.

Majlinda Aliu nga bordi i AGK-së tha se kjo datë e rëndësishme nuk e gjen mirë komunitetin e gazetarëve  në Kosovë.

“Dita e lirisë së shprehjes nuk është që i gjen gazetarët në Kosovë edhe mirë.

Ne kemi reaguar si organizatë ndaj rasteve që janë raportuar. Është shumë më rendësi që Institucionet e drejtësisë të ndriçojnë rastet e paraqiture. Bëjmë thirrje që këto organe të merren me seriozisht me këto raste. Brenda këtyre 5 muajve janë raportuar tetë raste të kërcënimeve”.

“Një gjë e mire është që prokuroria e shtetit ka vendosur të emërojë një prokuror që merret ekskluzivisht me rastet e gazetarëve”, ka përfunduar ajo./Arbresh.info/