Policia e Kosovës ka bërë të ditur se nga janari i vitit 2018 në rajonin e Prishtinës kanë ndodhur  10 aksidente trafiku me pasoja fatale, ku kanë humbur jetën 11 persona.

Policia duke e parë si shqetësuese këtë numër të madh të aksidenteve fatale ka kërkuar nga të gjithë pjesëmarrësit në trafik që të respektojnë me përpikëri të gjitha rregullat e kodit rrugor.

“Andaj duke parë si shqetësues këtë numër të madh të aksidenteve të trafikut dhe veçanërisht numrin e madh të viktimave nga aksidentet fatale  dhe të personave të lënduar, kërkojmë nga të gjithë pjesëmarrësit në trafik që të respektojnë me përpikëri të gjitha rregullat e kodit rrugor në mënyrë që bashkërisht të ndikojmë në uljen e numrit të ngjarjeve aksidentale, uljen e vdekshmërisë në komunikacionin rrugor, e rrjedhimisht ngritjen e shkallës së sigurisë në trafik”, thuhet në njoftim. /arbresh.info/