Qyteti turistik i famshëm Palma, në ishullin e Majorkës do të ndalojë pronarët e apartamenteve që t’i japin ato me qira për turistët, duke u bërë kështu vendi i parë në Spanjë që merr këtë masë.

Kufizimet pasojnë ankesat nga banorët e rritjes së qirasë për shkak të qiraxhinjve të pushimeve të shkurtra përmes faqeve të internetit dhe aplikacioneve, transmeton portali arbresh.info.

Kryebashkiaku i Palmas thotë se ndalimi, që do të paraqitet në korrik, do të jetë një model për qytetet që vuajnë nga turizmi masiv.

Por shoqatat e biznesit thonë se shumë familje do të ndikohen financiarisht.

Nuk ishte menjëherë e qartë nëse ndalimi ishte i kufizuar vetëm në banesat private të shpallura nga pronarët e tyre në aplikacione ose ueb faqe.

Shtëpitë dhe vilat do të përjashtohen nga kufizimet nëse ato nuk janë të vendosura brenda zonave të mbrojtura, pranë aeroportit ose në zonat industriale./Arbresh.info/