Policia e Elbasanit shpalli në kërkim një person të dyshuar për plagosjen me armë të 22-vjeçarit Xhon Rusta.

Shkak i konflikti që çoi në plagosje mësohet se është një parakalim i një prej automjeteve me të cilët udhëtonin personat. I shpalluri në kërkim u identifikua me inicialet J.S. Hetuesit njohën autorin nga kamerat e sigurisë së një biznesi pranë vendit të ngjarjes lagjen “11 Nëntori”.

I plagosuri Rusta, sipas burimeve të policisë për TvKlan, është kushëri i Suel Çelës, i njohur për përplasjen me policinë e Elbasanit me 19 Shtator, kur ai goditi makinën e zv/drejtorit të Policisë Gjergj Oshafi. Sipas hetimit, autori dhe i plagosuri udhëtonin veç e me dy automjete të ndryshme. Ata u përplasën verbalisht pas një parakalimi. Më pas J.S. qëlloi me pistoletë në drejtim të Rustës, duke e lënë atë të plagosur.

Pas ngjarjes, Rusta u dërgua në spital ku edhe ndodhet jashtë rrezikut për jetën. Në vendin e ngjarjes, policia gjeti edhe një gëzhojë të një pistolete. I plagosuri njihet si person me precedent penal në fushën e krimeve kundër personit. Po ashtu ai ka qenë i dënuar më parë për plagosje me armë zjarri./tvklan