Një 26 vjeçar ka pranuar në një gjykatë në shtetin lindor të Gjermanisë, Thuringia se ka vrarë kolegen e tij të fakultetit, pasi që ajo refuzoi të ketë një lidhje me të.

Megjithatë, ai mohoi pretendimet e prokurorisë se kishte abuzuar seksualisht me viktimën pas vdekjes, transmeton portali arbresh.info.

Sipas dokumenteve të gjykatës, i akuzuari ra në dashuri me 22 vjeçaren në qytetin Nordhausen vitin e shkuar. Ai ia shprehu ndjenjat asaj, por që kjo e fundit nuk ishte e interesuar të kishte marrëdhënie romantike me të.

Ai më pas e shpiku një gënjeshtër për ta bërë për vete. Ai u hoq sikur të ishte kreu i shërbimeve të menaxhimit të emergjencave në qytetin Erfurt dhe i ofroi asaj një “punë” në departamentin e personelit.

Më 29 gusht 2017, një ditë para se dyshja të udhëtonte në qytetin perëndimor të Bonnit, ku ndodhet selia e byrosë së menaxhimit të emergjencave, vajza fjeti në divanin e tij për t’u bërë gati për udhëtimin e nesërm.

Ai u përfshi nga paniku, pasi kuptoi se gënjeshtra e tij do të dilte në pah. Ai goditi viktimën në kokë me dorezën e thikës, ia preu fytin para se ta therte disa herë në abdomen, shpinë dhe gjoks. Më pas tentoi të vriste edhe veten, por nuk kishte sukses.

Gjykata në qytetin e Muhlhausen ka urdhëruar edhe tri ditë të tjera të dëshmisë./Arbresh.info/