Gjykata e Apelit e Kosovës e ka refuzuar si të pabazuar ankesën e prokurorisë kundër aktvendimit të Gjykatës Themelore në Prishtinë, të datës 23.03.2018, sipas të cilit ishte refuzuar kërkesa e organit të ndjekës për caktimin e masës së paraburgimit ndaj të pandehurve D.M., Xh.S., S.Z., dhe F.P. –D.

Të katërtit, po dyshohen se secili veç e veç ka kryer veprat penale: “Përdorim i armës apo mjetit të rrezikshëm” dhe “Mbajtje në kontroll ose posedim të pa autorizuar të armeve” nga nëmi 374, i po të këtij kodi.

Sipas vlerësimit të Gjykatës së Apelit, pretendimet ankimore të prokurorisë nuk janë të bazuara, sepse nuk janë plotësuar kushtet ligjore nga neni 187 par. 1, nën-par. 1.2, pika 1.2.1 të Kodit Penal të Republikës së Kosovës për caktimin e masës së paraburgim, pasi që sipas shkresave të lëndës, nuk ekziston rreziku se të pandehurit do të mund të ikin apo arratisen, iu dihet identiteti dhe vendbanimi i përhershëm, të njëjtit janë deputetë në Kuvendin e Republikës së Kosovës dhe se i kanë premtuar gjykatës se do të paraqiten pranë saj sa herë që do të ftohen.

Ndryshe, deputetët që dyshohen për hedhjen e gazit lotsjellës në seancën kur votohej për Demarkacionin me Malin e Zi janë: Drita Millaku, Xhelal Sveçla, Salih Zyba dhe Fitore Pacolli.