Policia e Shqipërisë në një konferencë për shtyp ka njoftuar se në bashkëpunim me policinë e Belgjikës ka vënë në pranga tetë shqiptarë, si dhe janë shpallur në kërkim disa persona të tjerë.

Tre prej tyre janë arrestuar në Shqipëri, kurse pesë në Belgjikë.

Gjatë operacionit janë sekuestruar një sasi e konsiderueshme sendesh në cilësinë e provave materiale si: bizhuteri, orë të shtrenjta, aparate telefonash celularë, aparatura elektronike.

Të ndaluarit dyshohen për kryerjen e veprave penale “Pastrimi i produkteve të veprës penale”, “Vjedhja” e kryer në kuadrin e “Grupit të strukturuar kriminal”.

Gjatë kontrolleve të banesave të tyre janë gjetur dhe sekuestruar sende që dyshohet se janë vjedhur në Belgjikë.

Vazhdon puna për identifikimin dhe kapjen e personave të tjerë të dyshuar.

Nga hetimet e kryera rezulton se këta shtetas, veprimtarinë kriminale e kanë kryer si grup i strukturuar kriminal.