Një projekt i Këshillit të Europës që ka për qëllim kualifikimin e refugjatëve është zgjeruar.

Franca, Gjermania, Hollanda, Kanadaja dhe Armenia do të marrin pjesë në fazën e dytë të projektit trevjeçar, duke u bashkuar me Greqinë, Norvegjinë, Italinë dhe Mbretërinë e Bashkuar nga faza e parë, njoftoi në një konferencë për shtyp shefi i projektit Sjur Bergan, transmeton portali arbresh.info

“Kur largoheni nga vendi juaj, a mendoni të merrni diplomën tuaj me ju?” Pyeti Bergan.

“Shumë refugjatë e gjejnë veten pa dokumente në mënyrë që të vazhdojnë studimet, sepse për arsye politike ata nuk mund t’i marrin dokumentat e tyre në mërgim”, tha ai.

Projekti i nisur në Greqi gjatë vitit të kaluar, ka ndihmuar 73 refugjatë, kryesisht nga Siria, Iraku dhe Afganistani që t’u pranohen kualifikimet e tyre universitare pas përfundimit të testit dhe intervistës me dy specialistë nga sistemi arsimor në vendin e tyre të origjinës.

“Pasaporta”  kualifikuese i lejon refugjatët që të vazhdojnë studimet dhe të gjejnë punë në fushën e tyre./arbresh.info/