Në momentin e arrestimit të Marko Gjuriq në një sallë ku po mbante fjalim me serbet e veriut në Mitrovicë, afër tij ishin edhe Zëvendëskryeministri i Kosovës dhe ministri për Kthim, Delibor Jevtiq, Ministri i Ministrisë së Bujqësisë, Nenad Rikallo dhe Kryetari i Mitrovicës së veriut Goran Rakiç, shkruan arbresh.info.

Përderisa Njësia Speciale e Kosovës po bënte përpjekje për të arrestuar Marko Gjuriq i cili kishte hyrë në Kosovë pa lejen e MPB-së, hasen në rezistencë nga grupe të udhëhequr nga kryetari i Mitrovicës Veriore Goran Rakiç.

Arrestimin e Marko Gjuriq, i cili u urdhërua nga institucionet e Kosovës, e penguan edhe Delibor Jevtiq dhe Nenad Rikallo të cilët aktualisht janë pjesë e qeverisë së Kosovës.

Për këtë gjë ka reaguar edhe publicisti Adriatik Kelmendi.

“Një zv.kryeministër i Qeverisë jep urdhër për arrestimin e Gjuriqit nëse hyn në Kosovë, Policia e thërret jashtë të dorëzohet, kurse një zv.kryeministër dhe disa ministra të tjerë e presin dhe e mbrojnë edhe fizikisht!

Hajde more gëzuar!

Mirë se vini në Republikën e Kosovës!”, shkruan Kelmendi.

Kujtojmë se Marko Gjuriq u arrestua dhe u dënua nga Kosova nga Policia e Kosovës pasi që ai kishte hyrë në territorin e Kosovës pa leje të institucioneve /Arbresh.info/