Komuna e Rahovecit, konkretisht kryetari i kësaj komune, Smajl Latifi, duke u bazuar në situatën e krijuar në terën pas reshjeve të shitu, me datë 5 Mars ka nënshkruar vendimin për formimin e komisionit për “Vlerësimin e dëmeve të shkaktuara nga fatkeqësia natyrore-vërshimet e shiu, shkruan arbresh.info.

Përmes një komunikate për medie, komuna njofton të gjithë qytetarët të cilët kanë  pasur vërshime dhe deri më tani nuk i kanë njoftuar organet komunale të paraqiten tek zyrat  e komisionit.

Kjo është komunikata e plotë:

“Kryetari i Komunës së Rahovecit, Smajl Latifi, duke u bazuar nga situatën e krijuar në terën pas reshjeve të shitu, me datë 5 Mars ka nënshkruar vendimin për formimin e komisionit për “Vlerësimin e dëmeve të shkaktuara nga fatkeqësia natyrore-vërshimet e shiut”.

Njoftohen qytetarët të cilët kanë pasur vërshime dhe deri më tani nuk i kanë njoftuar organet komunale të paraqiten tek zyrat  e komisionit. Ju njoftojmë se zyrat e komisionit, gjenden në objektin e vjetër të Komunës, në katin e dytë tek Drejtoria për Bujqësi, Pylltari dhe Zhvillim Rural, përkatësisht tek kryetari i komisionit, Nisret Shala”, thuhet në komunikatë./arbresh.info/