Në mesin e ushtarakëve të lartë të graduar sot nga Presidenti i Kosovës Hashim Thaçi janë së paku 3 nga Drenica. Bëhet fjalë për ushtarakët e FSK’së Xhevahir Geci, Bashkim Jashari dhe Irfete Spahiu, që të gjithë gjeneralë.

Presidenti i shtetit ka graduar Xhevahir Gecin nga grada e kolonelit në gradën e gjeneral brigade. Geci është emëruar po ashtu në pozitën Zëvendëskomandant i Komandës së Forcave Tokësore në Forcën e Sigurisë së Kosovës. Geci është nga Drenica, më saktësisht nga Llausha.

Bashkim Jashari nga Gjeneral brigade Bashkim Jashari është graduar në gjeneralmajor. Jashari është po ashtu nga Drenica, nga Familja Jashari, më saktësisht djali i Rifat Jasharit.

Kolonelja Irfete Spahiu është graduar në gjeneralbrigade dhe është emëruar Komandante e Komandës së Doktrinës dhe Stërvitjes në Forcën e Sigurisë së Kosovës. Ajo është nga Pokleku.