Është arrestuar në Vlorë, Hysnie Hoxhallari, 32 vjeçe, me akuzën e vrasjes me paramendim të Selkie dhe Olsi Hoxhallarit.

Selkie 73 vjeçe dhe Olsi Hoxhallari  43 vjeç gjetën vdekjen me 20 janar  të këtij viti në lagjen “24 Maji”, Vlorë, dhe fillimisht u raportua si një vdekje nga zjarri që kishte përfshirë banesën.

Bashkë me Hysnie Hoxhallarin, nusja e Olsi Hoxhallarit, është arrestuar edhe dhe Kasëm Pirjasi 26 vjeç si bashkëpunëtor në vrasje.

Në trupin e viktimave janë gjetur shenja të forta dhune çka ka ngritur dyshime për ta hetuar më tej çështjen dhe vetëm ditën e sotme policia njofton që janë kapur autorët e vrasjes, të cilët fillimisht e njoftuan vdekjen si aksidentale.

Hysnie Hoxhallari,  e cila vrau burrin dhe vjehrrën duke i goditur me mjete të forta kishte vënë flakën banesës për të fshehur gjurmët.

Vrasja e dyfishtë mendohet se është bërë për motive të dobëta.

Më herët Hysnie Hoxhallari në një intervistë për News 24 deklaronte: Dua drejtësi!

Më delikate në këtë mes situata paraqitet për djalin e çiftit Hoxhallari, i cili është vetëm 5 vjeç./tv koha/