Policia ka bërë një zbulim mahnitës, pasi një këmbë të këputur të njeriut, valët e detit e nxorën në një plazh në British Columbia të Kanadasë. Shputa e kishte edhe një pjesë të ashtit, teksa mbante ende çorapen dhe atleten.

Atë e pa një kalimtar rasti, kur qeni i tij filloi ta nuhaste dhe njoftoi forcat e rendit për gjetjen e pazakontë, transmeton Telegrafi.

Kjo është këmba e 13-të që shfaqet në breg që nga viti 2007, ndërsa po besohet se është gjetur se kujt i përket.

Këmba e gjetur në plazh

Testi i ADN-së ka treguar se kjo pjesë e trupit, i përket Stanley Okumoto, që është zhdukur prej muajit shtator.

Gjatë muajit nëntor, forcat e rendit i kishin gjetur disa pjesë të trupit të 79-vjeçarit, në një plazh që ndodhej disa kilometra larg prej ku e kishte lënë veturën. Rrethanat e vdekjes së tij mbesin të pazbuluara, ndërsa nuk dihet se si iu shkëput këmba dhe humbi në det për gjysmë viti.

 Okumoto që u zhduk në shtator

Misterioze mbesin edhe 12 këmbët tjera, që nuk dihet se kujt i përkasin, apo për sa gjatë mund të jenë duke pluskuar në ujëra.