Olivier Giroud pranon se i është lutur Zotit shumë për t’ia plotësuar dëshirën që të largohet nga Arsenali.

Sulmuesi shtatgjatë konfirmoi se u konsultua nga trajneri i Francës, Didier Deschamps ndërsa i është drejtuar Perëndisë që ta ndihmonte të dilte nga agonia që e kishte kapluar te Gunners.

Olivier Giroud te Arsenali ka pasur 180 paraqitje dhe ka shënuar 73 gola – (Getty Images)

“Për të qenë sinqertë me veten dhe lojtarët e tjerë, Didier Deschamps gjithnjë më thoshte se po e shqetëson fakti i qëndrimit në bankën rezervë të Arsenalit edhe nëse bëja punë të mirë për kombëtaren franceze .

“Fakti që kam pasur shumë pak paraqitje me Arsenalin e shqetësonte dhe ai më rekomandoi të gjeja një klub të ri. I konfirmova se jam në dijeni të asaj, por se dëshiroja të bëja zgjedhjen e duhur dhe të mos nxitoja”.

“Unë jam një besimtar shumë i fortë dhe iu luta shumë Zotit dhe përfundova te Chelsea. E dija se ky ishte klub ideal për mua”, tha futbollisti në një intervistë për SFR Sport.

Theksojmë se The Blues paguan rreth 38 milionë euro për lojtarin, i cili deri më tani ka pasur vetëm dy paraqitje duke mos shënuar asnjë gol./Telegrafi