Lidhja Demokratike e Kosovës ka mirëpritur marrëveshjen mes partnerëve të koalicionit për të pranuar propozimin e kësaj partie në lidhje me votimin e Demarkacionit, shkruan arbresh.info

Këtë e ka thënë shefi i grupit parlamentar të LDK-së , Avdullah Hoti, që sipas tij hap rrugën për ratifikimin dhe eventualisht edhe lëvizjen e lirë të qytetarëve.

Shkrimi i tij i plotë në Facebook:

Lidhja Demokratike e Kosovës e mirëpret gatishmërinë e partive të koalicionit për të pranuar propozimin e LDK-së lidhur me projektligjin për ratifikimin e marrëveshjes për kufirin me Malin e Zi.

Kjo e hap rrugën që sa më parë në Kuvendin e Kosovës të ratifikohet kjo marrëveshje dhe të kërkojmë nga BE-ja që qytetarët e Kosovës të lëvizin lirshëm, sikurse qytetarët e vendeve të tjera të rajonit.

LDK-ja fton edhe Vetëvendosjen të bashkohet në ratifikimin e kësaj marrëveshjeje që është në interesin e të gjithë qytetarëve të Kosovës../Arbresh.info/