Ylli i Real Madridit, Cristiano Ronaldo i ka dhënë dritën e gjelbër klubit për të siguruar transferimin prej 200 milionë funta të sulmuesit të Chelseat, Eden Hazard.

Reprezentuesi i Portugalisë mësohet se nuk dëshiron që klubi të nënshkruaj me futbollistit si Harry Kane nga Tottenhami apo Mauro Icardi i Interit, por do të ishte i kënaqur për të luajtur së bashku me Eden Hazardin, transmeton portali arbresh.info.

Këto zhvillime vijnë pas raporteve se Hazard është shënjestër e ‘Los Blancos’ për transferim gjatë verës kur edhe synojnë rikrijimin e skuadrës, ndonëse edhe emri i Harry Kanes vazhdon të përmendet.

Gazeta spanjolle ‘Don Balon’ sugjeron që Ronaldo ka aprovuar arritjen e marrëveshjes me belgun, megjithëse shënjestra e tij e preferuar vazhdon të jetë bashkëkombësi i tij Goncalo Guedes, i cili aktualisht është i huazuar te Paris Saint Germaini nga Valencia.

Ndërkohë, “Blutë” nuk mund të përballojnë humbjen e 27-vjeçarit, veçanërisht pas një sezoni të vështirë dhe frustrues që janë duke kaluar./arbresh.info/