Presidenti rus Vladimir Putin dhe Mbreti saudit Salman kanë biseduar për situatën në Siri, pas Kongresit të Dialogut Kombëtar në Soçi, si dhe bashkëpunimin mes dy vendeve për tregun e naftës.

Të dy krerët biseduan përmes telefonit , tha shërbimi për shtyp i Kremlinit, transmeton portali arbresh.info. Presidenti i Rusisë dhe Mbreti Saudit shkëmbyen mendimet e tyre mbi krizën siriane, duke marrë parasysh rezultatet e Kongresit Kombëtar Sirian në Soçi.

Kongresi Kombëtar i Dialogut Sirian u mbajt në Soçi të Rusisë, në fund të janarit, duke sjellë së bashku mbi 1.300 delegatë që përfaqësojnë pjesë të ndryshme të shoqërisë siriane.

Komiteti i Lartë i Negociatave me bazë në Arabinë Saudite (HNC), një organ ombrellë i krijuar në vitin 2016 për të përfaqësuar disa nga grupet rebele siriane në bisedimet e Gjenevës, megjithatë, e bojkotoi ngjarjen, duke pretenduar se ata do të rrinë vetëm në “tranzicion politik të besueshëm” në formatin e Gjenevës të sponsorizuar nga OKB.

Kongresi ra dakord të krijojë një komitet prej 150 personash për të hartuar një kushtetutë të re për vendin e shkatërruar nga lufta. I dërguari i posaçëm i OKB-së në Siri, Staffan De Mistura, i cili mori pjesë në Kongres, vlerësoi këtë arritje, ndërsa Moska shprehu shpresën se do të “stimulonte” dhe do të ringjallte procesin e paqes së Gjenevës, i cili ka mbetur në një vend për vite me radhë.

Të dy palët diskutuan gjithashtu situatën në Lindjen e Mesme si një e tërë, duke përfshirë tensionin në vazhdim midis Katarit dhe shteteve të tjera në rajon./Arbresh.info/