Për të pritur në vizitë kryeministrin nga Mali i Zi Dushko Markoviç, çdo gjë duket se është gati. Ai pas pak pritet të arrij në Aeroportin e Prishtinës, ku do të pritet nga zëvendëskryeminsitri Behgjet Pacolli dhe ambasadorët në dy vendet respektive. Vizita e sotme e kryeministrit malazez ka bërë që të bllokohet sheshi ‘Skënderbeu’ dhe ai ‘ibrahim Rugova’.

Këto dy sheshe që nga mëngjesi i hershëm janë bërë të pakalueshmë për qytetarët

Ndryshe, Markovic do të qëndrojë në Kosovë me ftesë të kryeministrit Haradinaj, ku dhe do zhvillojë disa takime me krerët e lartë të vendit.

Kjo vizitë është parë si mundësi e negocimit të marrëveshjes për Demarkacionin e cila është bllokuar në Kuvendin e Kosovës. Të njëjtën marrëveshje Mali i Zi e ka ratifikuar pasi e kishte kriter për të hyrë në NATO. Ndërkohë, kriter këtë marrëveshje e ka edhe Kosova, por ndryshe nga Mali i Zi, Kosovës i duhet për të fituar liberalizimin e vizave, shkruan Gazeta Metro.