I akuzuar si vrasës i komisar Cukut, Mikel Shallari kërkon ndryshimin e masës

10:58 | 24 Janar 2018
Arbresh.info

I akuzuar si vrasësi i ish- oficerit të policisë, Artan Cuku, Mikel Shallari kërkon ndryshimin e masës së sigurisë.

Shallari ka depozituar kërkesën për ndryshim të masës së sigurisë nga “arrest me burg” në “arrest shtëpie” ose gjendje të lirë.

I akuzuari për vrasjen e Cukut ndodhet në burg pasi është pista kyçe për këtë krim.

Ai ndodhet në arrest me burg, vendim ky i dhënë nga Gjykata e Krimeve të Rënda. Kërkesa e depozituar nga avokati i Shallarit për arrest shtëpie ose në gjendje të lirë, po shqyrtohet sot nga Krimet e Rënda.

Vrasja e Artan Cukut ndodhi pranë banesës së tij tek “Rruga e Kosovarëve”, ndërsa Shallari dyshohet se është paguar për krimin, por ende nuk kanë zbardhur porositësit./Gazeta Express/