Kreu i Kuvendit të Kosovës, Kadri Veseli ka bërë homazhe para shtatores së heroit kombëtar Gjergj Kastrioti Skënderbeu në 550 vjetorin e vdekjes.

Ai përmes një statusi në rrjetin social facebook ka thënë se Skëndërbeu simboli më i fuqishëm i vetëdijes sonë kombëtare.

Statusi i plotë:

Sot shqiptarët kudo që janë i bashkon nderimi dhe kujtimi për heroin tonë kombëtar Gjergj Kastriotin – Skenderbeun. Ai është simboli më i fuqishëm i vetëdijes sonë kombëtare, tash e 5 shekuj. Skënderbeu është simbol i identitetit tonë kombëtar dhe do të vazhdojë të jetë i tillë. Është simbol i orientimit tonë të përhershëm perëndimor. Është simbol universal i luftës për liri, prandaj sot e kemi kudo në sheshet e kryeqyteteve të botës së lirë. Do të jemi gjithmonë krenar me të.