Cili është dallimi mes gripit të thjeshtë dhe ftohjes? Ndërsa simptomat zakonisht nuk kanë ndonjë dallim të madh, ka disa mënyra se si të bëni dallimin mes një gripi dhe ftohjes. Nga parandalimi te kura, ja çfarë duhet të dini për sëmundjet e dimrit.

Fillimisht duhet të dini se si të shmangni gripin. Në rradhë të parë bëni kujdes në ambientet e mbyllura, si zyrat, transporti publik apo në shtëpi kur keni një person që është i sëmurë. Duhet të dini që mikrobet e shpërndara nga njerëzit e sëmurë me grip mund të qendrojnë 24-orë në qarkullim. Shmangni me çdo kusht përdorimin e sendeve personale me këta njerëz.

Gripi fillimisht nis me grricje fyti, duke vijuar më pas me hundë të skuqur dhe sekrecione të shumta. Dhimbja e kokës, ose këputja mund të jenë prej simpotameve të vazhdueshme të gripit, i cili zgjat jo më shumë se një javë. Nëse këto simptoma shoqerohen me kollë e cila nuk kalon, atëherë gjasat janë që keni ftohje. Kur vjen puna te ftohja ajo zgjat më tepër se një javë dhe në disa raste shoqërohet edhe nga temperatura e lartë.

Bëni kujdes nga infeksionet bakteriale, të cilat mund të ngatërrohen me këto simptoma, ku jeni të ekspozuar ndaj sëmundjeve ë të rënda aspiratore.