Sipas një studimi të fundit, gratë kanë më shumë gjasa se burrat të mbijetojnë nga epidemitë e ndryshme.

Prej  kohësh flitet se gratë kanë një jetëgjatësi më të lartë se burrat, këtë gjë e kanë treguar edhe shembuj se si në plantacione të ndryshme, gjatë sëmundjeve të fruthit e sëmundje të tjera të ndryshme nga të cilat prekeshin dy gjinitë, në mbarë botën, numri i femrave që mbijetonin ishte gjithmonë më i lartë se numri i meshkujve, transmeton Arbresh.info

Kjo gjë tashmë edhe është vërtetuar pasi hulumtuesi kryesor  Virginia Zarulli, nga Instituti i Shëndetit Publik të Danimarkës Jugore, i atribuoi boshllëkun gjinor të jetëgjatësisë faktorëve biologjikë si gjenetika dhe hormonet, me përfundimin e thjeshtë se “vajzat e porsalindura janë më të qëndrueshme se djemtë e porsalindur”.

Ai ka marrë shembuj të ndryshëm të cilët e vërtetojnë zbulimin e tij ku tregon se si  vajzat e lindura në  vitin 1933 në Ukrainë, kur ishte shfaqur një sëmundje, jetonin deri në moshën 10.85 vjeç, ndërsa djemtë mesatarisht jetonin deri në  7.3 vjet.

I njëjti rezultat kishte ndodhur edhe në Afrikën Perëndimore në vitet 1800 ku skllevërit e liruar amerikanë që u zhvendosën në Liberi midis viteve  1820 dhe 1843 përjetuan shkallën më të lartë të vdekshmërisë së regjistruar ndonjëherë, me 43 për qind

që vdiqën brenda një viti nga ardhja e tyre. Jetëgjatësia ishte tepër e ulët 1,68 vjeç për djemtë, por 2,23 vjet për vajzat.

Kjo sipas Zarulli-t ndodhë për shkak të kromozomit të dyfishtë X të pranishëm në femra, si dhe estrogjenin e hormoneve.

Me fjalë të thjeshta, është e lehtë të shihet se nëse rastësisht ndodh një mutacion i keq në kromozomin X, gratë kanë një tjetër X që mund të kompensojë pjesërisht ose plotësisht, përderisa burrat nuk kanë këtë mundësi”.

Zarulli tha se hormonet më të shquara femërore, estrogjenet, mbrojnë enët e gjakut dhe mbrojnë kundër një sërë sëmundjesh./arbresh.info/