Gjatë pasdites së djeshme, një person tentoi të futet me dhunë në objektin e Ambasadës Amerikane në Prishtinë. Ai u pengua nga pjesëtarët e sigurimit të Ambasadës.

Sic raporton Periskopi, bëhet e ditur se personi i dyshuar kishte filluar të ofendojë e të bërtas para Ambasadës.

Rastin e ka konfirmuar zëdhënësi i Ambasadës së SHBA-së në Prishtinë, Richard Mei.

Në përgjigjen e tij, ai shkruan se “një individ me sjellje të çuditshme shkaktoi një incident të vogël para ambasadës së SHBA-ve në Prishtinë me 9 janar”.

Tutje, ai tregon se me këtë rast u morë Policia e Kosovës. Lidhur me këtë rast Policia e Kosovës nuk ka preferuar të jap ende informacione.

Ky rast ndodhi vetëm pak ditë pasi u raportua se Ambasada Amerikane ia ka refuzuar vizën kryeministrit të Kosovës, Ramush Haradinaj. Haradinaj është kryeministri i parë i vendit që nuk ishte pajisur me vizë amerikane për vizita zyrtare në ShBA.