Manchester United nuk do t’i ofrojë kontratë të re Jose Mourinhos.

Bordi i gjigantit anglez nuk dëshiron të bëjë gabimin sikurse me David Moyes, në të kaluarën ku i kishin ofruar kontratë gjashtë vjeçare, por që e shkarkuan pas dhjetë muajve.

Forma e dobët në javët e fundit të skuadrës ka bërë që të mendohen dy herë për kontratën e dytë.

E përditshmja britanike “Mirror” bën me dije se eliminimi nga Caracao Cup, humbja në derbin e Manchesterit dhe zhgënjimet e fundit në Premier League kanë bërë që drejtuesit e United të mbajnë peng kontratën e re të trajnerit portugez.

Ky i fundit ka kërkuar rinovimin e saj dhe një pagë dy herë më të lartë se ajo ekzistuese, por tashmë situata nuk është më në favor të Mourinho.

Gara për titullin kampion në Premier League duket e humbur për United, me City që marshon me një ritëm shumë më të lartë se rivalët.

Trajneri 54-vjeçar kërkoi një muaj më parë që nga kontrata e re të përfitojë 12 milionë stërlina, por tashmë kjo kërkesë mund të konsiderohet e tepërt.

Sezonin e kaluar, Mourinho dhe United triumfuan në Europa League, në Kupën e Ligës dhe Community Shield, por këtë sezon nuk kanë fituar ende asgjë. /arbresh.info/