Presidenti Ilir Meta i dha ish-shefit të SHISH, Visho Ajazi Lika dekoratën e Artë të Shqiponjës.

Presidenca njofton se motivacioni për dekorimin i shefit të Shërbimit Informative, është kontributi i veçantë për sigurinë kombëtare, luftën kundër terrorizmit dhe luftën kundër krimit të organizuar dhe trafikut të drogës.

Gjatë dhënies së dekoratës, Presidenti ka vlerësuar se SHISH gjatë kohës që drejtohej nga Visho Ajazi, e ka bërë detyrën me përgjegjshmëri dhe patriotizëm shpesh herë edhe nën presionin e politikes.

Ndërkohë sipas kreut të shtetit, është domosdoshmëri që SHISH të ketë edhe më shumë pavarësi dhe profesionalizëm jo vetëm në funksion të stabilitetit e sigurisë kombëtare, por edhe që Shqipëria, siç është shprehur ai, të eksportojë më shumë siguri e më pak probleme jashtë kufijve të saj./Top Channel