Basha takon aleatët: Nesër në protestë kundër puçit kushtetues

20:36 | 17 Dhjetor 2017
Trina Galanxhi

Kreu i Partisë Demokratike, Lulzim Basha, në përfundim të tryezës së aleateve të PD ka ribërë thirrje për përkrahje të protestës kundër asaj që ai e quajti puçi Kushtetues.

Sipas Bashës, Rama nesër ka dy qëllime, të emërojë prokuror politik dhe të asgjësojë dosjet e krimit për të shpëtuar Tahirin dhe hajdutët e tij.

“Mbledhja e tryezës se aleatëve të PD në përkrahje të protestës kundër puçit kushtetues. Interesi i Ramës është të mbyllë dosjen e Saimir Tahirit dhe të dosjeve të tjera të krimit. Rama ka një qellim, të emërojë një prokuror politik për të mbrojtur pushtetin e tij të inkriminuar. Nëse nesër Edi Rama çon në fund puçin kushtetues, e bën me kosto të madhe, asgjëson reformën në drejtësi dhe bashkëjetesën demokratike”, deklaroi Basha./TCH/