Ish-kryeministri italian edhe njëherë është “ngatërruar” me kancelaren gjermane dhe udhëheqësit e tjerë të botës.

Ai u detyrua të jap dorëheqje në vitin 2011 për menaxhimin e  dobët të krizës së borxhit në Italisë dhe për zbulimet e lidhjeve me partitë e rrezikshme, shkruan “Daily Express”, transmeton portali arbresh.info

Pasi u shpall fajtor për mashtrim tatimor në vitin 2013, 81-vjeçari ra nga fokusi pasi ai u detyrua të kryejë një shërbim të komunitetit një vjeçar në një shtëpi të kujdesit në Milano  dhe u shkëput politikisht.

Së fundmi, Berluskoni ka vendosur që t’i kthehet politikës italiane, duke kandiduar për kryeministër në zgjedhjet e ardhshme, por që më befasuese ishte mbështetja e Merkel.

Gjatë kësaj jave, Merkel e ka uruar ish-kryeministrin Silvio Berluskoni  për zgjedhjet e përgjithshme në Itali, që pritet të mbahen gjatë vitit të ardhshëm.

Merkel ka zhvilluar një bisedë telefonike të shkurtë me Berluskonin, ndërsa i ka uruar fat atij në zgjedhje./arbresh.info/