Qytetarët e Kosovës paguajnë 8 milionë euro në vit për energjinë elektrike e cila shpenzohet nga qytetarët e katër komunave serbe në veri të Kosovës.

Avokati i Popullit, Hilmi Jashari ka thënë se është detyrë e autoriteteve shtetërore që ta lirojnë qytetarin nga kjo ngarkesë përmes kompensimit në faturat vijuese, shkruan arbresh.info.

Jashari ka thënë qytetarët e pjesëve të tjera të Kosovës janë ngarkuar me këto mjete pa dijeni për çka duhet të bëhet kompensimi material dhe moral.

“Këto mjete mund të inkasohen shumë lehtë nga Fondi i Veriut, nga të hyrat e Doganave dhe mallrave që hyjnë nga veriu”, ka thënë Avokati i Popullit.

Sipas tij, arsyetimi i ZRrE-së se nëse nuk do të merrej ky vendim, KEDS-i do të bankrotonte dhe Kosova do të përfshihej në një kolaps energjetik nuk qëndron pasi sipas tij nuk del se KEDS-i ka humbje./arbresh.info/

https://www.facebook.com/arbresh.info/videos/1625515157513570/